Dummeneca a matina di Elvira La Manna

È dummenic’a matina,
assettata inta cucina
sursiggiamm’ un buon caffè.
Aggia cucinà ‘pe mme e tte,
e và…và…allor’ aggio penzato…
Quatte patane, ‘nu poco ‘e farina e
faccio ‘e gnocch’ alla sorrentina,
cu muzzarell’ ‘e Battipaglia
chella da contadina.
‘O raù sta già cucenno
‘de l’otto ‘e stammatina, cu
braciole purpette e sarza ‘de
pummarole ‘do piennolo.
‘A pirofila è già pronta…
‘nu strat’e sarza, ‘nu strat’e gnocche, e
‘nat’e muzzarella ‘ca spolverata ‘e parmigiano.
Mez’ora e tutt’è pronto e a puntino
Cu na butteglia e vino pigliata mò mò,
‘a vasci’a cantina.
‘O sicondo????
‘na ‘nzalata rucola, portulaca,
cardillo e finocchietto.
‘Na grigliata ‘e gamberoni,
treglie e calamarette.
Alla fine ricce frolle e
Limoncello fatte a mè.
‘Te sta bbene, né Viciè??
Si ‘po nun te vuò accuntentà,
và addù mammeta a magnà.

Elvira La Manna