Tutto ‘o mangià ca esiste
È comme ‘na poesia…
Comme ‘na bella femmena
Ce vò ll’ammore
E ‘o sentimento
Si bbuono vuo’ mangià
Pure ‘na cucchiarella
Si ‘a gire dint’a tiella
L’haje sempe ‘a accarezzà
‘O risultato è bbuono
Si po’ te vuo’ arrangià
Puo’ ffà nu bell’impasto
‘O sbatte accà e allà
Cresce ch’è ‘na bellezza
Che pizza ca può ffà
Torte, fritture e sugo
Ce vo’ sempe ‘a passione
Pe’ sape’ cucinà
Cu ‘nu bbuono appetito
‘a bella cumpagnia
E che v’o dico a ffà
Tu mangi e bevi
E ‘a morte nun ‘a vedi
E cient’anni può campà.
Lucia Gallo