Comme faje a nun ‘o mettere a tavula?
‘Na fella ‘e pane t’accumpagne ‘a piccerille.
M’arricordo ‘nu filo dd’uoglio, ‘na favula
Va’…e si tenevemo ‘nu pezzullo ‘e murtadella…
Po’ so’ cagnate ‘e tiempe
‘O pane fa male… te faje chiatte
Intanto cco ppane facevo pure ‘a scarpetta…
Papà diceva…pe’ me sfottere, pe’ pazzia’:
‘O piatto ‘e Tore… nun l’haje ‘a lavà…
E ‘stu fatto è accussì ancora ogge
‘a scarpetta è ‘a mmesura d’a bbontà
Si ‘o sugo è bbuono, ‘o ppane te dice ‘a verità
Mm’essa sta’ accorte…
‘O ppane è bello…è comme ammore
Che fantasie ca tengo!
Fosse accussì facile dd’o ffà…
Vuje pruvatece, nun se sa mmaje,
Ve putesse capità… fosse pure pe’ pazzia’
Salvatore Verdi
Poesia seconda classificata al primo Contest di poesia gastronomica in napoletano 2024