‘A spiaggia de’ ciascione di Assunta Borriello

Che cavere che faceva stammatina
E pe’ caso me so’ truvata ‘ncoppa a marina
Na spiaggia piccirella cu varche e varchetelle
E dint’a n’angulo nu piscatore ca venneva cozze alici e purpetielle
A cumme veco niente è cagnato, ccà è tutto uguale a tanto tiempo fà
Signore ca se sciosciano sotto a’ sti mbrellun’
Pareno tant’anime in cerca di frescura
Fermagli dint e’ capille tutt’ culurate, vestute tutte quante tale e quale
E o’ furb marucchino ca bancarella soia venne solo merce a sti belle signore

Sunata miezjuorno, me s’o’ truvate dint’ a’ n’addore e pasta mbuttunata
Frittata e maccarun’ accumpagnate cu e mulignane, puparuole e na ‘nzalata
E po’, che vaggia di’, nun se so’ fatte manca manc’ nu mellone e na sangria
Ognun’ ca passava annanza a sti ‘mbrellun’
Erano tutti invitate a chesti belli signore
Mangiate…favorite…ce ne sta per tutti si vulite
E ognuno risponneva: bbonappetit’ cu na resata e nu poco divertit’
E jo meravigliata me so’ dimandata: ma chist è suonno o è nu triato

Però na cosa ve l’aggia di: so’ stata a Ischia Procida e Riccione
A verità me so’ cunzulata a sta’ mmiez a sti ciascione

Assunta Borriello