Quase spisso ‘o viernarì
Ce ne jammo da Luciano,
cu’ ‘a cucina te fa murì,
stà ‘nmieze Porta Capuana.
Urdinamm’ ‘o fritt’ ‘e pesce?
Cu’ dduje ammeri e calamare
s’accummencia e se fernesce
e ce scurdammo e ccos’ amare.
Si è fresc’ ‘a pummarola?
Ce accungiamme ‘na ‘nzalata,
chi sa mangia se cunzola,
cu’ ll’alleria ‘e ‘sta serata.
Si ce miette ddoje patane,
cepelluzze e turz’ ‘e lacce,
aulive janche, ma paisane,
e pe’ ‘ncoppa ‘o poco ‘e ghiacce.
‘O fiasco ‘e vino nun ce manca,
ccà? Ce penza donn’Amalia,
chillu russo, o chillu janco,
hipp, hipp, hippì viva l’Italia.
Carlo Paggio