Com’è bello ‘o mangià!
Tu te siente appagato…
e pò, pure cchiù forte,
pe’ putè affruntà
‘e prubleme dda vita…
Nun ce sta niente
ca te po’ cunsulà
cchiù ‘e ‘nu piatto ‘e spaghetti
cu’ tunninnele e cozze,
ca te parlano ‘e mare
pe’ l’addore c’arriva!
E che vuò cchiù ‘e ‘nu piatto fumante
‘e ‘na bella genuvese?
Ma genuvese nun è,
pecchè a Napule è nata,
addò tutto è speciale…
E che dicere mo, ‘e stu prufummo ‘e raù,
ca, pippianno pippianno, pare ‘e dicere
a chi passa vicino: “Embè, io sto ccà!
Nun me siente? Tu m’haje sulo a mangià!”
Ma ‘a reggina tra tutti…
é ‘a cchiù bella tra ‘e belle!
Bianca e rossa è ‘sta “Pizza”
ca mo vene vicino…
Porta tanta alleria,
e felici ce fa!
Rosa Abate